البسطرمة :
.. نوع من اللحم المقدد المتبل ( المحنط ) ... غذاء جيد ومحبوب على نطاق واسع فى العصر الحديث .
طريقة عمل البسطرمة :
تحضر كيلو ونصف من اللحم البقرى . تكون اللحوم حمراء دائمآ بشكل كامل من غير دهون نهائي ولا شغت ويفضل أن تقول للجزار هاعملها بسطرمه علشان يقطعها حمراء ويشفيها تماما الافضل عرق او من وش الفخده كندوز أو بتلو .
تنظفها كويس وتنشفها بمناديل أو قطعة قماش نظيفة من الماء .
ترش عليها كوب ملح وتقلب اللحم بالملح جيدآ ليتغلغل الملح داخل اللحم .
تلفها بشاش ، وتحطها فوق شبكة أو مصفاة ونضع فوقها اتقل حاجه ممكنة علشان تعصر المياه اللي جواها ونصفيها ونضعها فى مكان ذو تهوية جيدة و تسيبها كده لمدة ٢٤ ساعه .
بعد كده تطلعها وتنظفها من الملح بقماشة مبللة تبليل خفيف .
تخرم فيها خرم اعلاها وتحط فيه حبل او دوباره وتعلقها في اي حاجه عالية عن الأرض فى منطقة جيدة التهوية .
تسيبها تاني ٢٤ ساعه لحد ماتلاقيها (الحفت) او شبرت او قشفت
وبقيت ناشفه وتحس انها باظت .... كدة يبقى انت فى التمام .. والعمل يتم بنجاح !.
التحنيط : أو تجفبف وحفظ البسطرمة :
كوبايتين حلبه مطحونه لكل كيلو ونص عرق او لحمه من وش الفخده
نص كوب ملح
معلقتين كبار كمون ومعلقتين كبار كزبره ناشفة .
نص كوب بابريكا ( يمكن استبدالة بالفلفل الأخضر الحار _ بعد تجفيفة وطحنة _ ) .
معلقة فلفل اسود صغيره
شطه حسب ماتحب
كوب ثوم مفروم
تحط كله علي بعضه ونضيف الماء ونقلب لحد ماتبقي عجينه وتفرد علي اللحمه وهي متعلقه
ماتسيبش خرم الا وتقفله
بعد ماتحنطها بعد ٦ ساعات بص عليها لو لاقيت الخلطه شرخت تكون سايب شوية مكونات علي جنب تعجنهم وتسد الشروخ
تسيبها من 10 الي 14 يوم كما هى في الهواء ويفضل بلكونه لانها هتعمل ريحة البيت كانه بقالة بسطرمه . وممكن تتلف بشاش خفيف علشان الحشرات .
بالهنا والشفا .
إشترك بالنشرة البريدية
1 التعليقات :
اضف تعليق التعليقاتتمام
ردتحويل كود إخفاء محول الأكواد الإبتسامات إخفاء